-->
الأخبار العالمية نيوز الأخبار العالمية نيوز
recent

آخر الأخبار

recent
recent
جاري التحميل ...
recent

صورة من الزمن الجميل أنور وشلبية

 صورة من الزمن الجميل

أنور وشلبية 



محمدأبوالحسن

     بقولك إيه ياشلبية

      نعمين ياسي أنور

          يانور عينيا

ماتيجي يابت نشق على

             غيطنا

    نطمن على زرعتنا

            وقوتنا

وناخد معاناغداناوعشانا

        وشاينا وميتنا

     ولاحد يعرف فين

            وجهتنا

  لامن عيليتكوا ولا من

            عيليتنا

     علشان نبقى على

            راحتنا

        نتمشى شوية     

           عالزراعية

     نشم هوى العصاري

     ونلف بين البراري

   تحكيلي وانا احكيلك

    وتعطريني بمنديلك

    ونعيد كل اللي كان 

        من أيام زمان

 من أول يوم الصباحية

    ونجيب كمان سلق

           وحميض

 ونجمع البامية ونقطف

           الملوخية 

   وتشويلنا كوزين ذرة

    م اللي لسه خضرة

            محيرة 

      ونقعد عالساقية 

     هي اللي لينا باقية

      وناكل لقمة هنية

   وبعدين نرتاح تحت    

           الصفصافة

   نحلي بعنب وجوافة

  تأكليني بإديكي وأكلك

              بإيديا

    دا هيبقى حتة يوم

            ياشلبية

  قوام هاتيلي السديري

          والجلابية

ومعاهم البلغة والطاقية

      يله أوام ياشلبية

   من عيني ياسي أنور

  في أي حتة انت تنور

  بس اني نفسي ياخويا     

          أروح البندر

   أمشي على الكونيش

         كده واتغندر

   ونعمل زي اللافندية 

  تشبك إيديك كده في

              إيديا

   وناكل حلبة وترمس    وبطاطامشويةم العربية

  واحنا راجعين نجيبلنا      

   سندوتشين فول على           

            طعمية

   م اللي عليهم طحينة

           وعجمية

وتبقى فسحةم اللي هي

   قلت إيه يانور عينيا

      آه منك ياشلبية

كل دايطلع منك ياشقية

  وانا اللي كنت فاكرك

       عبيطة وغبية

   دانا اللي طلعت اهبل     

        وناقص تربية

     إلبندر حتة واحدة

           ياشلبية

  المرة الجاية هتقوليلي     

    تعالى نروح السيما

 نتفرج على فيلم حسن

            ونعيمة

   وابقى في بق الناس

          لبانة طرية

     يله انجري قدامي

  وماتطلعيش العفاريت

            إللي فيا           

  إعلفي البهايم وصحي

             النايم

       وحصليني أوام

          عالزراعية

إنتي لسه واقفةياشلبية

عن الكاتب

علي أبو الحاج علي

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

الأخبار العالمية نيوز

2019