-->
الأخبار العالمية نيوز الأخبار العالمية نيوز
recent

آخر الأخبار

recent
recent
جاري التحميل ...
recent

حكاية غرامى /الأخبار العالمية نيوز

 حكاية غرامى...

بقلم الشاعر خالد والى


حبيبتى قالولى ماحبتهاش

ودفعت فيها مهر بلاش

و كتبت  فيها ياما الشعر

كتابة الشعر ماينفعهاش

والحب أصله  خد وهات

يا تحب يابنى يا اما بلاش

انت اكيد ماحبتهاش


يا حبيبتى حبى ليكى

حد غيرنا مايفهموش

حبى ليكى زرع اخضر 

فى بعدى عنك مايترويش

ياما بفاسى دقيت مراسى

فى بحر حبك ماتتنسيش

ابدا منين حكاية غرامى

من صغر سنى ف حبك باعيش

بلادى بلادى ياكايده الإعادى

نشيد أولى اول وقلوب ناقصه ريش

رفعت ايدينا العلم ومسكت ايدينا القلم

وكتبنا ف غرامك يابلدى كلام زيه مفيش

ولما شد عودى قالولى فيه اعادى

حلفت برأس أبويه من دونك ماعيش

وف وسط الصحارى

 قضيت كام ليالى

عامل جسمى ساتر للعدو ما يجيش

ما انتي يا غاليه امى

ياما شلتى همى

فداكى روحى ودمى

 غير شطك يا غاليه

انا عليه مارسيش

اصل الحكايه انى

باعشق ترابك لانى

شربت من نيلك ياغاليه

وضلوعى نبتت ع الريش

وقال يقولوا قلبى انه ماحبكيش

طول عمر قلبك مرسى

للى ياكل وينسى

واللى ياخد ويقسى

 وطول عمره مايديش

واللى فاكر نفسه حبك

واللى مايعرف حتى ربك

واللى وهبلك عمره بلاش

وانتى يااصيله  عارفه

وحضنك للكل يكفه

حضن أم ما بتقساش

بدل مايقولوا ماحبتهاش

يمدوا ايديهم ويقولوا عاش

عن الكاتب

علي أبو الحاج علي

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

الأخبار العالمية نيوز

2019