-->
الأخبار العالمية نيوز الأخبار العالمية نيوز
recent

آخر الأخبار

recent
recent
جاري التحميل ...
recent

ليه علاقاتنا بتفشل /الاخبار العالميه نيوز

 كتبت


د/لينا بركات - اسوان 

#الفراغ العاطفي 

وهنا بناخد أي فرصة متاحة من غير تفكير عشان نكون بالأسم في علاقة ونكون زي كل إلي حوالينا ..

#العطاء المرضي 

وهنا بندي إلي قدامنا أهتمام مش عشان بنحبه او عايزين نعمل ده لا ده عشان إحنا عندنا نقص وبنعوضه بالعطاء ده من غير ما نستنى الوقت المناسب ولا نستنى حتى مقابل من الطرف التاني...

#العطاء الفردي 

وهنا العطاء مختلف لأننا بندي أهتمام وحب عشان أنا حابب ده بس ف المقابل إلي قدامنا مش بيبادلنا نفس الاهتمام ودايماً بنستنى من الطرف التاني مقابل بس مش بنخد فبنزهق ونبعد...

#التبلد العاطفي 

وهنا بنكون في العلاقة باردين وبنستقبل مشاعر إلي قدامنا ببرود و جفاء أو مش بنديله أي اهتمام وساعتها بنزهق ونبعد  لأننا معرفناش نحبه صح أو هو إلي بيبعد لأنه بيمل من برود عواطفنا....

#الخوف على العمر العاطفي 

لأن المجتمع حطلنا قيود وسن معين لو عديناه يبقى خلاص فرصتنا في الحب قلت فبنحاول في فترة معينه نثبت للمجتمع ولنفسنا إننا قادرين نحب وسننا مجرد رقم ملوش لازمة فبنجري علي أول فرصة تجلنا وإلي  وارد جداً تكون مش مناسبة لينا خالص.... 

#تعويض فرصة سابقة 

ساعات بنحاول نهرب من إحساسنا بالندم من تضيع العلاقة القديمه إلي حاسين إننا خسرناها فبنحاول نعوض ده بعلاقة تانية في وقت أحنا مش قادرين ندخل في علاقة تانية جديده ....

#النهايات المؤسفة والماضي المؤلم للعلاقات  

بعد أي علاقة مؤذية طلعنا منها مدمرين نفسياً بنبقى عايزين نثبت أننا الطرف الكسبان أو الخسران والضحية  وعشان نثبت ده بنجري لأول فرصة حب تجلنا وإلي أكيد هتفشل بعد كدا  لأننا مستفدناش من تجربة العلاقة الأولى... 

#الهروب بالعلاقة من حقيقة معينة 

ساعات بنكون عايزين نهرب من حياه من ظروف من تفكير في شئ معين فبنجري على أول علاقة تقابلنا ننسى بيها حقيقة مؤلمة وبنوهم نفسنا إننا في علاقة لحد ما نكتشف في لحظه إننا كنا بنخدع نفسنا بعلاقة وهميه بتأذينا   

#تشويه وتزيف البدايات ...

البديات دايماً حلوه بس مش دايماً بتستمر  فكتير بعد فترة معينه من العلاقة بنكتشف  أن الحقائق ظهرت والأمور أتغيرت ودا بيأذينا ويخلينا نحكم على العلاقة بالفشل أو هي بتفشل فشل مبكر وتسيبلنا جراح كتييره وكبيره 

#تصور مقامات خاطئة 

كتير بنترجم أي أهتمام أو أحترام أو عطاء على أنه حب  في الوقت إلي الطرف التاني في العلاقة دي بيكون مش بيعبر عن علاقة أو يقصد عاطفه بتصرفاته وده بيخلينا نعيش حلم من بعده وهم من بعده ألم ....

عن الكاتب

Lena Barakat

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

الأخبار العالمية نيوز

2019